Kumpulan Tembang Dolanan Jawa Lengkap Pituture Tembang | Mata Pelajaran Bahasa Jawa

Tembang dolanan yaiku salah sawijining tembang kang lumrahe ditembangake berbarengan sinambi dolanan.

Bocah saiki akeh sing durung ngerti tembang dolanan amarga akeh sing padha nyinau tembang jawa sing sumadya ana handphone bab katresnan sing durung wayahe lan durung bisa menehi pitutur marang bocah cilik.

Becike bocah cilik iku nembangake tembang dolanan sing wis di wulang ing sekolahan. Ing ngisor iki ayo bebarengan nembangake tembang dolanan. 

Lan pahami pitutur saka tembang dolanan iki.

Kroto Kroto

Kroto kroto pentile mlinjo

Mlinjo dadi omah gedhong pinggir kali

Parenda parendi parenda parendi

Abang kaya dubang putih kaya upih

Manuk glatik kelire alus dhadhane

Sentik sentik ambegane

Sentak sentik lembehane

Isine Lelagon Kroto Kroto:

Yen duwe gegayuhan kudu tekun lan anggone gayuh. Amrih gegayuhan bisa kelakon.

Ing tembang disanepakake utawa di ibaratake kroto kroto pentile mlinjo.

Mlinjo yen di olah bisa dadi emping mlinjo lan bisa digawe usaha banjur bisa nuwuhake kasil.

Kasil iku bisa digawe omah gedhong kang di idham idhamake.

Nanging ing tembang iku uga menehi pesen yen wis kasil aja kebacut lan tetep dadi manungsa sing becik.

Kupu Kuwi

Kupu kuwi takencupe

Mung abure ngewuhake

Ngalor ngidul ngetan bali ngulon

Mrana mrene mung sakparan-paran

Sapa bisa ngencupake

Mentas menclok cegrok

Banjur mabur bleber

Isine Lelagon Kupu Kuwi:

Tembang dolanan Kupu Kuwi menehi pitutur yaiku menehi gambaran uwong sing ora nduweni pendhirian. 

Rana rene melu kancane ngetan bali ngulon sakparan-paran lan ora ajeg karo keputusanne utawa pendirian.

Gundhul Pacul

Gundhul gundhul pacul cul,

gemblelengan

Nyunggi nyunggi wakul kul,

gemblelengan

Wakul ngglempang,

segane dadi salatar

Wakul ngglempang,

segane dadi salatar.

Ana bocah gundhul ndhul,

lunga menyang sawah.

Nyunggi nyunggi wakul kul,

karo gemblelengan.

Mlaku neng tengah dalan,

ora wedi bebayan.

Wakule ngglempang,

dadi salatar

Aja nangis ndhuk,

mundhak tambah gundhul.

Aja nangis ndhuk,

mundhak tambah gundhul.

Isine Lelagon Gundhul Pacul:

Tembang dolanan gundhul gundhul pacul menehi pitutur yaiku uwong sing nduweni pakurmatan utawa kehormatan nanging ora bisa migunakake kehormatan iku kanggo kabecikan. 

Bisa di ibaratke uga pemimpin kang nduweni kehormatan nanging gedhe ndase (sombong).

Kesombongan iku bisa nuwuhake hal sing ora becik lan bisa agawe rusak kepemimpinan.

Nyata Kowe Wasis

Nyata kowe wasis, sis

Bedheken sing gelis, lis lis lis

Cangkriman telu iki

Jangkrik sungut selawe

Batangane apa

Pithik ndase telu

Batangane apa

Bapak Demang, Mang

Klambi abang, mang mang mang

Disuduk manthuk-manthuk

Batangan Cangkriman Ing Duwur Yaiku:

• Jangkrik sungut selawe = jangkrik iku sungute gedhene selawe batangane mesin jait.
• Pitik ndhase telu batangane pitik endhase dibuntel wulu.
• Bapak demang klambi abang, disuduk manthuk-manthuk batangane kembang gedhang onthong, tuntut gedhang.

Isine Lelagon Nyata Kowe Wasis:

Isine tembung dolanan nyata kowe wasis yaiku tembang dolanan kang isine ana cangkriman. Cangkriman iku bisa digawe dolanan bareng kancane lewat tembang dolanan Nyata Kowe Wasis.

Cekap semanten penjelasan ngenani tembang dolanan. 

Mugi-mugi saget nuwuhake manfaat lan salam sukses.